Ditilminazioni Nr. 126 di luni 20 di natali 2021

Pruggjettu "Lu gaddurésu pa' li gaddurési", finanziatu da la leggji 482 di lu 1999 (altículi 9 e 15) e da la leggji regionali 22 di lu 2018 (annualitai 2021).

COMUNI DI LOCUSANTU

Pruíncia di Sàssari

SETTORI AFFARI GENERALI

DITILMINAZIONI NR. 126 DI LUNI 20 DI NATALI 2021

UGGJETTU: FUNDAZIONI "DESTINAZIONI DI PELLEGRINAGGIO IN SARDEGNA" – IMPIGNU DI SPESA E LICUIDAZIONI CUOTI FUNDU DI DOTAZIONI E FUNDU DI GESTIONI

FILMATU

LA RISPUNSABBILI DI LU SETTORI

Dr.ssa Gabriella MEMMOLI

Documentu prodottu in origgjinali infulmàticu e filmatu digitalmenti cunfolm'a l'alt. 20 di lu "Códici di l'amministrazioni digitali" (D.Leg.vu 82/2005).

LU RISPUNSABBILI DI LU SETTORI AFFARI GENERALI

VISTA la dilìbbara di G.C. n° 59 di lu 26/10/2021, esecutiva cunfolm'a la leggji;

VISTU lu Dicretu Sindacali di “Cunfirimentu Funzioni”;

VISTU lu D.L.vu n. 267 di lu 18.08.2000 e ss.mm.ii.;

RICJAMATA:

• la Dilìbbara di Gjunta Cumunali n. 34/2021, ch'à pa' uggjettu: “APPRUAZIONI PRUPOSTA DI FATTIBBILITAI TECNICU-ECUNOMICA DI LA "RETE DELLE DESTINAZIONI DI PELLEGRINAGGIO IN SARDEGNA" PRODOTTA DA LU COMUNI DI SANT'ANTIOGU ILL'AMBITU DI L'AZIONI AFFIDATI A LA REGIONI AUTONOMA DI LA SALDIGNA”;

• la Dilìbbara di lu Cunsiddu Cumunali n° 24 di la dì 23/09/2021 cun chi l’Amministrazioni Cumunali di Locusantu è intrata, in galitai di sóziu fundadóri, illa Fundazioni di Palticipazioni numinata “Destinazioni di Pellegrinaggio in Sardegna” (Distinazioni di pirigrinaggju in Saldigna), cun sedi in Sant’Antiogu e appruatu lu Statutu e l’Attu di custituzioni di la fundazioni mattessi;

• la dilìbbara di Cunsiddu Cumunali n. 27 di la dì 26/10/2021 cun chi è statu appruatu lu curreggju di lu statutu e di l’attu di custituzioni di la fundazioni e turrati a ditilminà li cuoti chi li comuni sózii fundadóri doarìani pacà;

RICJAMATA la nostra ditilminazioni n° 99/2021 cun chi emu pacatu a lu Comuni di Sant’Antiogu la cuota di € 1.354,16 pal li spési notarili;

VISTU l’alt. 6 di lu Statutu di la Fundazioni, lu cali fissa chi lu patrimóniu di la Fundazioni è cumpostu da un fundu di dotazioni e da un fundu di gestioni;

PRESU ATTU chi lu fundu di gestioni è cumpostu da li cuoti annuali di € 500,00 chi gjugna comuni arà a dà a la fundazioni, mentri chi la cuota pa' lu fundu di dotazioni è ditilminata pa' lu 40% in palti gali e pa' la palti restanti di lu 60% in prupulzioni a lu nùmmaru di l'abitanti, pa' un totali di € 3.619,33;

CUNSIDARATU chi da lu totali di € 3.619,33 tocca bucanni la summa di € 1.354,16 pacata gja a lu Comuni di Sant’Antiogu pa' carraggjà li spési di stirrimentu e stìpula di l'atti;

VISTA la nota Ns prot. N° 7876 di la dì 26/11/2021 cun chi lu Comuni di Sant’Antiogu à cumunicatu lu nùmmaru di códici fiscali attribbuitu da l’Aginzia di l'Intrati a la fundazioni e lu códici IBAN di lu contu abbaltu illa Banca di Credito Cooperativo di Cagliari;

RITINUTU di dué pruzzidì a la licuidazioni di la cuota annuali di € 500,00 pa' lu Fundu di Dotazioni e di la cuota restanti di € 2.265,17 (3.619,33 − 1.354,16) pa' lu Fundu di Gestioni, pa' un totali di € 2.765,17;

VISTU lu Bilànciu di Priisioni Finanziàriu 2021/2023, appruato cu la dilìbbara di Cunsiddu Cumunali n° 11 di la dì 03/06/2021;

VISTU lu PTPCT di chistu Enti appruatu da la Gjunta Cumunali cun dilìbbara n° 10 la dì 17/03/2021;

RICJAMATI li dittàmini nói innantu a l’almunizzazioni cuntàbbili cunfolm'a lu D.Lgs. n° 118/2011 e ss.mm.ii. e a lu D.Lgs. N° 126/2014;

DITILMINIGGJA

1. D'impignà, a faóri di la Fundazioni di Palticipazioni numinata “Destinazioni di Pellegrinaggio in Sardegna” (Distinazioni di Pirigrinaggju in Saldigna), l'assomu di € 2.765,17 innantu a lu Cap. 5121/7 di lu Bilànciu di Priisioni Finanziàriu 2021/2023, annualitai 2021, dutatu di la dispunibbilitai nizissària;

2. Licuidà, a lu supramintuatu comuni di Sant’Antiogu l'assomu di € 2.765,17 cu li sighenti causali:

   - € 500,00: cuota annuali Fundu di Dotazioni;

   - € 2.265,17: cuota Fundu di Gestioni.

3. Piddà in contu la spésa totali di € 2.765,17 illu Cap. 5121/7 di lu Bilàncio di Priisioni Finanziàriu 2021/2023, annualitai 2021, innant'a cali, cu la prisenti, s'è piddendi impignu di spésa;

4. Trasmittì cópia di la prisenti a l'Uffìciu di Rasgiuniria pa' l'adimprimenti di cumpitènzia.