Cumuni di Locusantu
Piazza di Gjésgia, 2 – 07020 Locusantu (SS)
ULDINÀNZIA nr. 8 di la dí 21.03.2022
UGGJETTU: ACCUNCIATURA E ASSIGURAMENTU DI LI CAMINI DI CAMPAGNA RUINATI DA LA CALAMITAI DI LU MÉSI DI SANTANDRIA 2020
LU SÍNDACU
VISTA la Ditilminazioni di l’Uffíciu Tècnicu Cumunali chi aia pa uggjettu: Accunciatura e assiguramentu di li camini di campagna ruinati da la calamitai di lu mési di santandria 2020 (“emergenza di rilievo ex DL. GR 60/1 di lu 28.11.2020”), ditilminazioni a cuntrattà a li sensi di l’alt. 1 comma 1 Leggji 120/2020, impegnu di spésa e affidamentu di li trabaddhi;
CUNSIDARATU chi pa pudé fa li trabaddhi d’accunciatura e assiguramentu di lu caminu cumunali Fioreddha-Bugnoni-Campurritundu è ministéri parà lu passaggju di gjugna tipu di vittura;
TENTU CONTU chi la ditta Mauri srl, chi à sedi in Carréra Sorrento, frazioni di Bassacutena, Cumuni di Tèmpiu, ingarrigata di li trabaddhi, à di pudé oparà in siguresa e chi l’únichi vitturi chi passarani illu caminu sarani li di proprietai di la mattessi ditta;
VISTU lu D. Lgs. 18.08.2000, nr. 267/2000;
CUNSIDARATU chi, data l’ulgènzia di pruidé, è palmissu umittí la cumunicazioni d’avviu di lu pruzidimentu a li sensi di l’alt. 7 di la Leggji 241/1990
ULDINIGGJA
la cjusura totali di lu passaggju di gjugna tipu di vittura o, sighenti li trabaddhi di fa, la cjusura palziali di lu caminu Fioreddha-Bugnoni-Campurritundu da la dí 21 di malzu 2021 finza a la cumunicazioni di agabbamentu di li trabaddhi.
Si avvelti chi contra a la prisenti Uldinànzia l’intarissatu pó prisintà ricussu:
- drentu sessanta (60) dí da la pubblicazioni di lu pruidimentu a l’Albu Prettóriu a lu Tribbunali Amministrativu Regionali illi tèlmini e illi manéri priisti da l’alt. 2 e sighenti di la Leggji 6 natali 1971 nr. 1034;
- drentu centuinti (120) dí da la pubblicazioni di lu pruidimentu a l’Albu Prettóriu a lu Presidenti di la Ripúbblica illi tèlmini e illi manéri priisti da l’alt. 8 di lu D.P.R. 24 santandria 1971 nr 1199.
Li agenti di la Polizzia Loccali e di la Folza Púbblica so posti impréu d’avvilguà l’esecuzioni di la prisenti uldinànzia.
Lu Síndacu, Geom. Agostino Pirredda
