Mod. 9
Comuni di Locusantu
Pruíncia di Sàssari
RIVISIONI SEMESTRALI DI LI LISTI ELETTORALI
LU SÍNDACU
Visti l’altt. 18 e 39 di lu T.U. 20 malzu 1967, nr. 223;
RENDE NOTO
Chi da óggji e finz’a la dí 20 di chistu mési so dipusitati ill’Uffíciu cumunali:
- L’elenchi predisposti da lu Rispunsàbbili di l’Uffíciu Elettorali Cumunali pa la rivisioni semestrali di li listi, cu lu velbali aduttatu, li ducumenti relativi a dugna numinativu e li lista gjinarali;
- La dizzisioni di lu Rispunsàbbili di l’Uffíciu Elettorali Cumunali relativa a la rivisioni di la paltitura di lu Comuni in sezioni elettorali, di la cilcuscrizioni di li sezioni, di lu lócu di riunioni di dugnuna di chisti, l’assignatura di dugna elettóri a la só sezioni, e un esemplari di li listi di dugna sezioni.
Dugna cittadinu pó, finz’a la dí 20 d’abbrili, piddà visioni di l’atti mintuati supra.
Contru a cassisia iscrizioni, scancellazioni, falta d’iscrizioni o omissioni di scancellazioni ill’elenchi appruntati da lu Rispunsàbbili di l’Uffíciu Elettorali Cumunali, no intamu contr’a la dizzisioni mintuata supra e contr’a l’assignatura di l’iscritti e di ca s’è iscriendi a li sezioni, dugna cittadinu à faccultai di prupuní ricussu, puru pal mezu di lu Comuni, a la Cummissioni Elettorali Cilcundariali, no dapói di la dí 20 di chistu mési, cu li modalitai palisati ill’alt. 20 di lu testu únicu supramintuatu.
