Avvisu bussa di stúdiu

Comuni di Locusantu

Pruíncia di Sàssari

AVVISU

BUSSA DI STÚDIU NAZIUNALI A FAÓRI DI LI STUDENTI DI LI SCÓLI SIGUNDÀRII DI SIGUNDU GRADU

D. Lgs. 13/04/2017 nr. 63 – A.S. 2021/2022

S’infolma la cittadinànzia chi è pussíbbili prisintà istànzia pa dummandà la bussa di stúdiu naziunali pa li studenti di li scóli sigundàrii di sigundu gradu, statali e parittàrii, pa l’annu sculàsticu 2021/2022.

Pal pudé fa dummanda di bussa di stúdiu è ministéri:

1. Esse iscritti e fricuintà ill’annu sculàsticu 2021/2022 una scóla sigundària di sigundu gradu di lu sistema naziunali d’istruzioni (scóli statali e parittàrii).
2. Appaltiné a famílii chi ani un Indicadóri di la Situazioni Eccunómica Ecchivalenti (I.S.E.E.) suttu a lu livéllu di 14.650,00 éuro.
3. Cumpilà lu módulu di dummanda e alligà la documentazioni sighenti:
   1. Fotocóppia di l’attistazioni di l’ISEE vàlita, lacata a li sensi di leggji cunfolmu a lu DPCM nr. 159/2013;
   2. Fotocóppia di lu ducumentu di ricunniscimentu vàlitu di cal’è fendi la dummanda.
4. Prisintà la dummanda a lu Comuni di Locusantu, Uffíciu Protocollo, primma di la dí 9 di maggju 2022. La dummanda pó esse prisintata da lu genitóri, da lu rapprisintanti ligali di lu studenti o, siddhu è maggjóri da lu studenti mattessi. La dummanda pó esse prisintata puru pal mezu di posta elettrónica celtifficcata a l’Uffíciu Protocollo di lu Comuni.

Lu Comuni arà a trasmittí l’elencu di li studenti ammissíbbili a la Regioni Saldigna, chi arà a fulmà una graduatória única regionali, sighendi l’òldini di l’ISEE da lu valóri piú minóri a lu piú mannu, ricunniscendi, in casu di paritai di ISEE, la prioritai a lu studenti piú ciòanu d’etai. L’elencu di li studenti chi arani lu benefíziu di la bussa di stúdiu arà a esse trasmissu a lu Ministéru di l’Istruzioni. L’erogazioni di li bussi in faóri di li studenti benefiziàrii s’arà a fa cun bonífficu domiciliatu illi tèlmini chi sarani fissati da lu Ministéru di l’Istruzioni. Lu impoltu di dugna bussa di stúdiu è dittilminatu in 200,00 éuro.

INFULMATIVA PRIVACY

L’infulmativa è predisposta da lu Ministéru di l’Istruzioni ed è pubblicata illu sittu web di li Comuni: www.comuneluogosanto.ss.it e illu sittu di li Ministéru: http://iostudio.pubblica.istruzione.it/web/guest/voucher.

MODULÍSTICA E INFULMAZIONI

La modulística da trattà è dispuníbbili illu sittu web di la Regioni Saldigna: www.regione.sardegna.it, illu sittu di li Comuni: www.comuneluogosanto.ss.it e indrentu a l’Uffíciu Silvízii Soziuculturali di lu Comuni.

Pa infulmazioni: Comuni di Locusantu, Uffíciu Silvízii Soziuculturali, abbaltu da luni a vènnari, da li 10.00 a li 12.00, telèffanu: 0796018954 / 0796018956, email: vpirredda@comuneluogosanto.it

Ministéru di l’Istruzioni: https://iostudio.pubblica.istruzione.it/quest/voucher, email iostudio@istruzione.it

Locusantu, la dí 26 d’abbrili 2022                                                                                                               Lu Síndacu

                                                                                                                                                     Geom. Agostino Pirredda